कैलालीको गोदावरी नगरपालीकाले माघि पर्वको दुई दिन स्थानीय विदा दिने भएको छ

कैलाली ।  कैलालीको गोदावरी नगरपालिकाले माघि पर्वको अवशरमा  दुई दिन स्थानीय विदा दिने भएको छ। नगरपालिकाले एक सूचना जारी गर्दै थारु समुदायको नयाँ वर्ष तथा माघी पर्वको उपलक्ष्यमा २ दिन २ र ३ गते विदा दिने निर्णय गरिएको हो।

नगरपालिकाका प्रमुख प्रशासकीय अधिकृत हरिदत्त भट्टद्धारा जारी सूचनामा नगर कार्यपालिकाको पुष २३ गतेको १०६ औं कार्यपालिका बैठकले २ दिन विदा दिने निर्णय गरेको उल्लेख छ। 

सूचनामा गोदावरी नगरपालिका, नगर कार्यपालिकाको कार्यालय तथा मातहतका कार्यालय (अत्यावश्यक सेवा बाहेक) र शैक्षिक संस्थाहरुमा स्थानीय बिदा दिईएको उल्लेख छ। माघ १ गते माघि र मकर सङ्क्रान्तिका अवसरमा संघीय सरकारले नै विदा दिईएको उल्लेख छ ।

नेपालको तराइ थारु बस्तिमा माघि पर्व हर्स्व उल्लासका साथ धुमधाम ले मनाउने चलन रहिआएको छ । माघि पर्वलाइ थारु समुदायमा बिशेष पर्वका रुपमा माउने प्रचलन रहिआएको छ ।