भारतीय गाडी त्रिशूलीमा खस्यो, मान्छे फेला परेनन्

काठमाडौंः मुग्लिन–नारायणगढ खण्डअन्तर्गत इच्छाकामना गाउँपालिका–५ स्थित त्रिशूली नदीमा भारतीय गाडी (बोलेरो) खसेको छ। काठमाडौंबाट नारायणगढतर्फ जाँदै गरेको भारतीय गाडी आज बिहान ४ बजेर ४० मिनेट जाँदा त्रिसुलि नदिमा खसे हो ।

३ नम्बर पुलनजिक सडकबाट ८०/८५ मिटर तल त्रिशूली नदीको पानीभित्र बत्ती बलेजस्तो देखिएपछि प्रहरीलाई खबर पुगेको थियो। घटनास्थलबाट प्रहरीले बीआर ०९ जीसी १४३० लेखिएको गाडीको नम्बर प्लेट फेला परेको छ। 

अहिले विपत् व्यवस्थापनको डुंगासहितको टोली र विपत् व्यवस्थापन तालिम शिक्षालय कुरिनटारबाट गोताखोरको टोलीले खोजी गरिरहेको जिल्ला प्रहरी कार्यलाई चितवनका प्रहरी उपरीक्षक रामेश्वर कार्कीले जानकारी दिए। उनका अनुसार हालसम्म नम्बर प्लेटबाहेक केही पत्ता लाग्न सकेको छैन।