टीकापुरबाट लागूऔषधसहित एक युवक पक्राउ

कैलाली । कैलालीको टीकापुरबाट लागूऔषधसहित एक युवक पक्राउ परेका छन्। टीकापुर नगरपालिका वडा नम्बर १ एकतापुर स्थित गणतन्त्रण चोक नजिकबाट २७० मिलिग्राम लागूऔषध (खैरो हेरोईन)सहित सोही ठाँउ बस्ने २२ वर्षीय युवक भिसमबहादुर शाही आईतवार साँझ पक्राउ परेका हुन् ।

ईलाका प्रहरी कार्यालय टीकापुरबाट खटिएको प्रहरी टोलीले उक्त पदार्थ फेला पारी उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।