दक्षिण कोरियाका राष्ट्रपतिबिरुद्ध महाअभियोग प्रस्ताव पेस

मंशिर – १९ दक्षिण कोरियाका राष्ट्रपति युन सुक–योलविरुद्ध महाभियोग प्रस्ताव पेस भएको छ। कोरियाका विपक्षी सांसदहरूले उनिमाथि महाभियोग लगाउने प्रस्ताव बुधबार पेस गरेका हुन्।

मंगलबार राति ‘मार्सल ल’ लगाउने युनको प्रयास असफल भएपछि विपक्षी सांसदहरूले उनलाई महाभियोग लगाउने प्रस्ताव पेस गरेका हुन्।

दक्षिण कोरियाका सामाजिक अभियन्ताहरुले राष्ट्रपति युनको राजीनामाको माग गर्दै देशभर केही दिनसम्म प्रदर्शन गर्ने तयारी समेत गरेको अन्तर्राष्ट्रिय समाचाट माध्यमहरुले जनाएका छन्। उनीहरुले देशकै सबैभन्दा ठूलो बुसानमा एक दिन विरोध र्‍याली गर्ने योजना पनि बनाएका छन्।

यसैबीच, दक्षिण कोरियाको मुख्य श्रमिक संघले अनिश्चितकालीन हड्ताल सुरु गरेको बिबिसीले लेखेको छ।