नेपाल राहत शिक्षक बाजुराको अध्यक्षमा पण्डित चयन

बाजुरा —नेपाल राहत शिक्षक जिल्ला कार्य समितिको छैटौं जिल्ला अधिवेशनबाट सर्वसम्वत रुपमा नयाँ कार्य समिति चयन भएको छ ।शनिबार भएको छैटौं जिल्ला अधिवेशनबाट मथुराज पण्डित अध्यक्ष रहने गरी १६ सदस्यीय जिल्ला कार्य समिति चयन गरिएको हो ।

जसमा खुला उपाध्यक्षमा परे नाथ,महिला उपाध्यक्षमा राधिका मल्ल,सचिव विजयराज पाध्याय निर्विरोध निर्वाचित भएका छन् । यस्तै समितिमा सहसचिव टिकाराम पण्डित,कोषाध्यक्ष यमुना बस्नेत र सह कोषाध्यक्ष महादेव पाध्याय चयन हुनुभएको छ।

छैटौं जिल्ला अधिवेशनबाट सर्वसम्मतबाट नेतृतव चयन गरेर एक पालिकाको एक शिक्षकको प्रतिनिधित्व हुने गरी जिल्ला कार्य समिति चयन गरिएको नवनिर्वाचित जिल्ला सचिव विजयराज पाध्यायले जानकारी दिनुभयो ।

नेपाल राहत शिक्षक जिल्ला कार्य समिति बाजुराको छैटौं जिल्ला अधिवेशनको समुद्घाटन त्रिवेणी नगरपालिकाका नगर प्रमुख तथा नेपाल शिक्षक महासंघका पुर्व केन्द्रीय सदस्य कर्णबहादुर थापाले गरेका थिए ।