पूर्वराजा ज्ञानेन्द्रलाई चाँडै राजगद्दीमा राख्छौं : धवल शम्शेर राणा

काठमाडौं : राष्ट्रिय प्रजातन्त्र पार्टी (राप्रपा)का महामन्त्री तथा आन्दोलन परिचालन समितिका संयोजक डा.धवल शम्शेर राणाले पूर्वराजा ज्ञानेन्द्र शाहलाई चाँडै राजगद्दीमा राख्ने बताएका छन् । नेपाली जनताले विमानस्थलबाट निर्मल निवास पुर्‍याएपछि गणतन्त्रवादीको मुटु हल्लिएको उनको भनाइ थियो ।

राप्रपाले सोमबार सुर्खेतमा आयोजना गरेको मोटरसाइकल र्‍यालीलाई सम्बोधन गर्दै उनले भने, ‘राजालाई जनताले काठमाडौं एयरपोर्टबाट निर्मल निवास लगेको देखेपछि गणतन्त्रवादी, संघीयतावादी र धर्मनिरपेक्षतावादीहरुको मुटु हल्लिएको छ । अब राजालाई राजगद्दीमा फर्काउने धेरै समय छैन ।’