राजसंस्थाको पक्षमा जनलहर देखेपछि जिल्ला प्रशासनले लगायो २ महिने निषेध

काठमाडौँ : काठमाडौँ प्रशासनले जिल्लाका संवेदनशील क्षेत्रमा जुलुस, धर्ना, भेला तथा सभा गर्न निषेध गरेको छ। राजाको पक्षमा जनलहर बढेको देखेर जिल्ला प्रशासनले निषेधको आदशे जारी गरेको हो।

आइतवारदेखि लागू हुने गरी २ महिनाका लागि निषेधको आदेश जारी गरिएको काठमाडौँका प्रमुख जिल्ला अधिकारी ऋषिराम तिवारीले जानकारी दिएका छन । आइतवारदेखि नै आदेश जारी गरिए पनि धेरैले चाल पाएनन्।

महाराजगञ्जस्थित राष्ट्रपतिको कार्यालय शीतलनिवास, उपराष्ट्रपतिको कार्यालय लैनचौर, सिंहदरबार, बालुवाटार र संसद् भवन रहेको नयाँ बानेश्वर आसपास स्थान तोकेर निषेधको आदेश जारी गरिएको छ।

ती स्थानमा पाँच जनाभन्दा बढी व्यक्ति भेला भई अनशन, धर्ना, जुलुस, सभाजस्ता विरोधका कार्यक्रम गर्न निषेध गरिएको छ।