सीमामा बस्न पूर्वराजा शाहलाई सांसद निधीको चेतावनी

काठमाडौं । नेपाली काँग्रेसका सांसद विमलेन्द्र निधीले राजतन्त्र अब फर्किन नसक्ने बताएका छन् ।

जनकपुरमा आयोजित एक कार्यक्रमलाई शनिवार सम्बोधन गर्दै उनले नेपालमा राजतन्त्र फर्किन्छ भनेर प्रचार गरिएको भएपनि अब राजतन्त्र र राणातन्त्र फर्किन सम्भव नरहेको बताएका हुन ।

उनले अरु देशमा राजतन्त्रको अन्त्य हुँदा कस्तो दुर्गति भएको छ भन्नेकुरा आफ्नो सीमालाई तत्कालीन राजाले बुझ्नुपर्ने बताए । उनले राजतन्त्र अस्वीकृत भइसकेको बताउदै,उनले नेपालको अन्तिम राजा ज्ञानेन्द्र शाह भएको बताए ।

गणतन्त्रको जग बलियो भएकाले कसैले हल्लाउन नसक्ने उनले जिकिर गरे । सांसद निधीले देशको मालिक जनता भएकाले व्यक्ति देशको मालिक बन्न नसक्ने बताएका हुन । सार्वभौम सत्ता अब जनतामा निहित रहेको उनी बताउँछन् ।