राप्रपा कञ्चनपुरद्वारा आफ्ना नेताहरुको गिरफ्तारीको बिरोधमा मोटरसाइकिल र्याली

कंचनपुर : राष्ट्रिय प्रजातन्त्र पार्टी कन्चनपुरले राप्रपा उपाध्यक्ष रबिन्द्र मिश्र र महामन्त्री धवल शमशेर राणाको गिरफ्तारिको बिरोधमा मोटरसाइकल र्याली निकालेको छ l

सनिबार साझ राष्ट्रिय प्रजातन्त्र पार्टीले गणतन्त्र धोका हो, दलाल सरकार मुर्दाबाद, राजातन्त्र जिन्दाबाद हाम्रो राजा हाम्रो देश प्राण भन्दा प्यारो छ भन्दै नारा लगाएका हुन l

गिरफ्तार नेताहरुको बिना शर्त अबिलब रिहाईको माग गर्दै २४ घण्टा भित्र रिहाई नगरे शसक्त प्रतिकारमा उत्रिने चेतावनी समेत दिएका छन् l

हिजो काठमाण्डौमा भएको शान्तिपूर्ण आन्दोलनमा राज्य दमन भएको र षडयन्त्रपुर्वक आन्दोलन् तुहाउन खोजेको भन्दै आज बिरोध र्यालीको आयोजना गरिएको हो l

हिजो प्रहरी दमन हुनुका साथै राष्ट्रगान् बजिरहेका बेला प्रहरीले म्याद नाघेका अश्रुग्यास प्रहार गर्नुका साथै गोलि चलाएको थियो l