गेटा आँखा अस्पताल बाजुराका प्रमुख लागुऔषधसहित धनगढीवाट पक्राउ

बाजुरा—गेटा आँखा अस्पताल मार्तडी शाखाका प्रमुख सहित बाजुराका एक जना लागुऔषधसहित धनगढीमा पक्राउ परेका छन् । शुक्रवार दिउँसो धनगढी उपमहानगरपालिका १३ राजपुरबाट लागुऔषध सहित प्रहरीले पक्राउ गरेको हो ।

नवलपरासी स्थायी घर भएका शाखा प्रमुख अन्दाजी २८ बर्षका अंकितकुमार निगम बानियाँ र बाजुराको त्रिवेणी नगरपालिका ८ का अन्दाजी बर्ष २५ का मेतेन्द्रे गिरीलाई ८ ग्राम ८० मिलिग्राम लागुऔषध खैरो हेरोईनसहित पक्राउ गरेको प्रहरीले जनाएको छ ।

गेटा आँखा अस्पताल मार्तडी शाखाका प्रमुख बानियाँले चलाएको मोटरसाइकलमा पछाडि सवार गिरीले बोकेको झोलाभित्र लागुऔषध फेला परी बरामद गरिएकोे जिल्ला प्रहरी कार्यालय कैलालीका प्रवक्ता कविन्द्रसिंह बोहोराले जानकारी दिएका छन् । उनले दुवै जनालाई नियन्त्रणमा लिएर थप अनुसन्धान भइरहेको समेत बताए ।