जोखिम मोलेर प्रचण्डलाई साथ दिएका छौ : डा स्वर्णिम वाग्ले

काठमाडौँ- राष्ट्रिय स्वतन्त्र पार्टीका उपसभापति एवं प्रतिनिधिसभा सांसद डा.स्वर्णिम वाग्लेले रास्वापाले जोखिम मोलेर प्रधानमन्त्री पुष्पकमल दाहाल ‘प्रचण्ड’लाई साथ दिएको बताएको बताउनु भएको छ ।

बुधबार प्रतिनिधिसभामा प्रचण्डले प्रधानमन्त्रीमा विश्वासको मत लिनुभन्दा अघि गरेको सम्बोधनमा स्वर्णिमले यस्तो भनेका छन् l प्रचण्डले केहीदिनअघि काँग्रेससँगको गठबन्धन तोडेर एमाले रास्वपासहितका दलहरुसँग मिलेर सत्ता समीकरण बनाएका छन्। यो गठबन्धनमा रास्वपा पनि सहभागी भएको छ ।

वाग्ले ले भने, ‘हामी सरकारमा काम गर्न र देखाउन आएका हौँ, प्रतिपक्षमा हुँदा प्रश्न गर्थ्यौँ, आज काम गरेर देखाउन आएका छौं , काम गर्न नसकेको दिन आफै सरकारबाट बाहिर गएर प्रधानमन्त्रीलाई सजिलो बनाइदिन्छौँ प्रधानमन्त्रीले गलहत्याउन पर्ने आवश्यकता नै पर्दैन। काम गर्न सक्ने र मिल्ने मन्त्रालय लिएका छौँ।’ काँग्रेसले गृहमन्त्रीमाथि उठाएको प्रश्नको जवाफमा स्वर्णिमले भने, ‘गृहमन्त्री बन्दा खोजिने नैतिकता प्रधानमन्त्री बन्दा पनि खोजिन पनि पर्ने हो नि?’ स्वर्णिम वाग्ले ले व्यंग्यात्मक शैलीमा भनेका छन l