मेलौली र शिवनाथ अन्तरपालिका भलिबल फाइनलमा

बैतडी – बैतडीको देहिमाडौंमा जारी बृहत अन्तरपालिका भलिबल प्रतियोगितामा महिलातर्फ मेलौली र शिबनाथ फाईनलमा पुगेका छन ।

आईतबार भएको खेलमा शिबनाथले पुर्चौडीलाई र मेलौलीले दशरथचन्द ‘ए’ लाई तिन शुन्यले हराउदै फाईनलमा प्रबेश गरेको हो । अब उपाधीका लागि फाईनल खेल मंगलबार हुने जनाईएको छ ।

दुईटै टिम मध्ये जित्ने बिजेता बन्ने छ भने पराजित हुने उपबिजेता बन्ने छ । नेपाल खेलकुद महासंघको आयोजनामा सुरू भएको अन्तरपालिका भलिबल प्रतियोगितामा जिल्लाका स्थानीय तहका टोलीको सहभागीता थियो । प्रतियोगीताको प्रथम पुरुस्कार ७७ हजार ७७७ रुपैया काम गरिएको छ ।

दोस्रो पुरुस्कार ५५ हजार ५५५रहेको छ भने तेस्रो पुरुस्कार ४४ हजार ४४४ र सान्त्वना पुरुस्कार ३३ हजार ३३३ रहेको जनाएको छ ।