कञ्चनपुरकाे लालझाडीमा एक दम्पती मृत फेला

कन्चनपुर – कञ्चनपुरकाे लालझाडीमा श्रीमान-श्रीमती मृत भेटिएका छन् ।

लालझाडी गाउँपालिका- १ का ४५ वर्षीय रमेश बडायक र उनकी ४१ वर्षीया श्रीमती कमला बडायक शुक्रबार बिहान घरकै आँगनमा मृत भेटिएको प्रहरीले जानकारी छ ।

जिल्ला प्रहरी कार्यालयका निमित्त प्रमुख प्रहरी नायब उपरीक्षक(डीएसपी) उमेश जाेशीका अनुसार घरकाे आगनमा दुवै जना मृत अवस्थामा भेटिएका हुन् ।

शरीरमा धारिलाे हतियार प्रहार भएको देखिएकाेले श्रीमान श्रीमतीकाे हत्याकाे आशंका गरिएको छ  l

घटनाको अनुसन्धानका लागि प्रदेश प्रहरी कार्यालय धनगढीबाट तालिम प्राप्त कुकुरसहितकाे टाेली पनि लालझाडी लगिएको छ ।