अमेरिकी राष्ट्रपति निर्वाचनमा रिपब्लिकन उम्मेदवार ट्रम्प विजयी

अमेरिकाको राष्ट्रपतिय निर्वाचनमा रिपब्लिकन उम्मेदवार डोनाल्ड ट्रम्पले जित हात पारेका छन्।

पूर्व राष्ट्रपतिसमेत रहेका ट्रम्पले आवश्यक २७० इलेक्ट्रोल कलेज पार गर्दै निर्वाचनमा जितेका हुन्।

अमेरिकामा राष्ट्रपतिको निर्वाचन जित्न २७० इलेक्ट्रोल कलेज चाहिन्छ। अमेरिकी समाचार संस्था सिएनएनका अनुसार रिपब्लिकन पार्टीका उम्मेदवार ट्रम्पले २७९ इलेक्ट्रोल कलेज जितेका छन्।

यता डेमोक्र्याटिक पार्टीकी उम्मेदवार कमला ह्यारिसले २२३ इलेक्ट्रोल कलेज जितेकी छन्। उनी अहिलेकी उपराष्ट्रपति समेत हुन्।

पपुलर मतमा पनि यसपालि ट्रम्प नै अगाडि छन्। ट्रम्पले ७ करोड ८ लाख ७७ हजार ४८४ मत प्राप्त गरेका छन्। ह्यारिसले ६ करोड ५८ लाख १२ हजार ७५९ मत प्राप्त गरेकि छन्।