मोटरसाइकलको ठक्करबाट अछाममा एक महिलाको मृत्यु

अछाम l अछाममा मोटरसाइकलको ठक्करबाट एक महिलाको मृत्यु भएको छ।

जिल्लाको कमलबजार नगरपालिका–१, मुलीकी ७२ वर्षीया मैसरा ढकालको मोटरसाइकलको ठक्करबाट घटनास्थलमै मृत्यु भएको प्रहरीले जनाएको छ। तुर्माखाँद गाउँपालिका–५ का २३ वर्षीय लक्ष्मण बहादुर शाहीले चलाएको सुदूरपश्चिम प्रदेश ०१००८ प ४०३ नम्बरको मोटरसाइकले मैसरालाइ आज बिहान करिब ११ः५० बजेको समयमा ठक्कर दिएको अछाम प्रहरी कार्यालयका प्रमुख डीएसपी ईश्वरीप्रसाद भण्डारीले जानकारी दिनुभयो ।

महिलाले घाँस काट्न जानका लागि बाटो क्रस गर्ने क्रममा दुर्घटना भएको जनाइएको छ। मोटरसाइकल र चालकलाइ भने प्रहरीले नियन्त्रणमा लिइसकेको छ।