रास्वपालाइ पेलेरै जाने मुडमा सभामुख

काठमाडौं : राष्ट्रिय स्वतन्त्र पार्टी (रास्वपा)को विरोधकाबीच सभामुख देवराज घिमिरेले संसद् बैठक अघि बढाएका छन्। बैठक सुरु हुना साथ उठेर विरोध जनाएपछि सभामुख घिमिरेले पटक–पटक आशनग्रहण गर्न आग्रह गर्नुभयो

सभामुख घिमिरेले बरु दलीय आधारमा बोल्दा समय थप्ने समेत बताए। आग्रह नमानेको भन्दै उनले आदेशसमेत दिए भने नियमावलीप्रति ध्यानाकर्षण गराए ।

तर रास्वपा सांसदहरूले विरोध जारी राखेपछि राष्ट्रपति कार्यालयबाट प्राप्त पत्र पढ्दै संसद् बैठक अघि बढाए । सभामुख पेलेर अघि बढेपछि रास्वपा सांसदहरूले नाराबाजी गर्दै विरोध जनाइरहेका छन्।