काठमाडौंमा सुरक्षाकर्मीको ‘कडा निगरानी ’, ११ सय बढी प्रहरी परिचालन

काठमाडौं । आज काठमाडौंको सुरक्षा व्यवस्था चुस्त बनाइएको छ ।

आज पूर्वराजा ज्ञानेन्द्र शाह पोखराबाट काठमाडौं फर्किँदै छन् । पोखरामा एक महिना विताएका पूर्व राजा शाह आजै काठमाण्डौ आउन लागेका हुन् ।

सोही अवसरमा उनको स्वागतमा राप्रपालगायत राजावादीहरुले काठमाडौंमा प्रदर्शन गर्ने तयारीगरेपछि काठमाडौंमा सुरक्षाकर्मीलाई ‘कडा सतर्कता’ मा राखिएको छ।

काठमाडौं उपत्यका प्रहरी कार्यालयका अनुसार प्रहरी कर्मचारीमात्रै ११३४ जना खटाइएका छन , प्रदर्शनका अवाञ्छित गतिविधि नहोस् भन्नका लागि अरू दिनभन्दा बढी कर्मचारी खटाइएको छ । प्रहरीसँगै आइतबार सशस्त्र प्रहरी, अनुसन्धान विभागका कर्मचारीहरू पनि खटाइएका छन्।