अछाममा माटो खन्ने क्रममा ढिस्कोमा पुरिई दुई जनाको मृत्यु

अछाम — अछामको मंगलसेन नगरपालिका–८ मा माटो खन्ने क्रममा ढिस्कोमा परेर दुई महिलाको मृत्यु भएको छ। सोमबार दिउँसो स्थानीय रातिमाटे भन्ने ठाउँमा माटो निकाल्ने क्रममा अचानक ढिस्को खस्दा उनीहरू पुरिएका हुन् ।

माटाेकाे ढिस्काेमा पुरिएर साेही ठाउँकी अन्दाजी ३० बर्षीय देउरुपा बोहरा र ३५ बर्षीय विनिता बोहराकाे मृत्यु भएकाे जनाइएको छ । घटनापछि स्थानीयबासी उद्दार कार्यमा जुटेका छन् भने प्रहरीलाई पनि जानकारी गरिएको छ।

चैते दशैंको समयमा घर लिपपोत गर्नका लागि सो क्षेत्रका महिलाहरू नियमित रूपमा रातो माटो खन्न जाने गरेका थिए।