दलहरूलाई राप्रपाको आह्वान– राजसंस्थाको अपरिहार्यता प्रमाणित भइसक्यो , नवीन समझदारीमा आउनुस्

राष्ट्रिय प्रजातन्त्र पार्टी राप्रपाले आइतबारको जनप्रदर्शनबाट नेपालमा राजतन्त्रको आवश्कयता र अपरिहार्यता प्रमाणित भैसकेको भन्दै नवीन समझदारी आउन दलहरूलाई आह्वान गरेको छ ।

सोमबार केन्द्रीय कार्यालय धुम्बाराहीमा बसेको राप्रपा पदाधिकारी बैठकले मुलुकलाई निकास दिन र कसैलाई निषेध नगर्ने व्यवस्थाका लागि ‘नवीन समझदारी’ गर्न सबै राजनीतिक दललाई आह्वान गर्ने निर्णय गरेको हो । यसका लागि आवश्यक संवादको थालनी गर्नसमेत राप्रपाले राजनीतिक दलहरूलाई आह्वान गर्नुभएको छ ।

यसैबीच पार्टीले सञ्चालन गर्ने आन्दोलनलगायतका विविध विषयमा छलफल गर्न ३ चैतमा केन्द्रीय कार्यसम्पादन समितिको बैठक बस्ने निर्णय पनि भएको प्रवक्ता मोहनकुमार श्रेष्ठले बताउनु भयो ।